नोटरी पब्लिकको प्रमाणपत्र प्राप्त नगरी कसैले पनि नोटरी पब्लिक सम्बन्धी कार्य गर्न नपाउने व्यवस्थ्ाा नोटरी पब्लिक सम्बन्धी ऐन, २०६३ को दफा १० मा व्यवस्था गरिएको छ । साथै नोटरी पब्लिकको प्रमाणपत्र लिनका लागि नोटरी पब्लिक सम्बन्धी ऐन, २०६३ को दफा १२ को योग्यता पुगेका व्यक्तिहरुले नोटरी पब्लिक सम्बन्धी ऐन, २०६३ को दफा १४ बमोजिम तोकिएको दस्तुर संलग्न गरी तोकिए बमोजिमको ढाँचामा परिषद् समक्ष निवेदन दिनु पर्नेछ । यस प्रकार निवेदन परेमा परिषद्ले सो निवेदन जाँचबुझ गरी सिफारिस गर्न तोकिए बमोजिमको एक समिति गठन गर्नेछ । उक्त समितिले निवेदकलाई प्रमाणपत्र दिन सिफारिस गरेमा र त्यसरी गरेको सिफारिस जाँचबुझ गर्दा मनासिब देखिएमा परिषद्ले नोटरी पब्लिक सम्बन्धी आवश्यक तालिम प्रदान गरी निवेदकसँग नोटरी पब्लिक सम्बन्धी ऐन, २०६३ को दफा १७ बमोजिमको जमानत लिई तोकिएको ढाँचामा प्रमाणपत्र दिनेछ । तर अनुवादक नोटरी पब्लिकको हकमा निजहरुले नोटरी पब्लिक परिषद्ले संचालन गर्ने अनुवाद सम्बन्धी लिखित परीक्षामा सहभागी भई उत्तीणा हुनुपर्नेछ । अनि मात्र ती आवेदकहरु तालिममा सहभागी भई अनुवाद सहितको नोटरी पब्लिकको प्रमाणपत्र प्राप्त गर्न सक्नेछन् ।
अनुवादक नोटरी पब्लिकको लागि परीक्षा उत्तीणा गर्नु पर्ने ः 
नोटरी पब्लिकको काममध्ये अनुवाद गर्ने र परिषद्ले तोकेको अन्य खास काम गर्न प्रमाणपत्र लिन चाहने व्यक्तिले नोटरी पब्लिक सम्बन्धी परीक्षा उत्तर्ीण्ा गर्नुपर्ने व्यवस्था नोटरी पब्लिक सम्बन्धी ऐन, २०६३ को दफा ११ मा व्यवस्था गरिएको छ । हाल नेपाली भाषाबाट अंग्रेजी भाषामा अनुवाद-प्रथम पत्र तथा अंग्रेजी भाषाबाट नेपाली भाषामा अनुवाद-दोस्रो पत्र गरि दुइ वटा १०० अंकभार रहनेगरि लिखित परीक्षा संचालन गरिने व्यवस्था गरिएको छ । अनुवादक नोटरी पब्लिक परीक्षामा सहभागी परीक्षार्थीले प्रत्येक पत्रमा कमितमा ८० प्रतिशत अंक प्राप्त गरी उत्तीणा गरेपछि मात्र नोटरी पब्लिकको लागि सञ्चालन गरिने तालिममा सहभागी भई अनुवादक सहितको प्रमाणपत्र प्राप्त गर्न सक्नेछन् ।